Ólavsøkuframsýningin 2015

 Aftur í ár skipar Listafelagið fyri Ólavsøkuframsýningini, og hevur heitt á Oggi Lamhauge at standa fyri. Ólavsøkuframsýningin 2015 verður sum vant ein samanseting av yrkis- og áhugaslist. Framsýningin er bygd upp í tveimum partum, einum pørti við innbodnum listafólki og einum parti við verkum, sum øll hava møguleika at senda inn. Verkini hjá hesum seinna partinum, verða síðan mett um og tikin við í framsýningina ella ikki. Boðin við eru m.a.: Jógvan Biskopstø, Kári Svensson, Edward Fuglø, Guðrið Poulsen, Eyðun av Reyni, Jóna Rasmussen umframt listgrafikaran Rikhardur Valtingoyer, ið er serligur gestur úr Íslandi. Hesi yrkislistafólkini eru biðin um at hava orðið: “flágir” í huga og hetta er somuleiðis eitt evni á framsýningini.

Øll hava møguleika at senda verk inn. Krøvini til verkini eru, at tey eru klár at heingja upp, seta saman uttan stórvegis hóvasták og um serlig tøkni er nýtt, eigur framsýnarin sjálvur, at syrgja fyri serligum tøkniligum búnaði. Sendið eina talgilda mynd av tykkara verkið til Ólavsøkuframsýningina 2015 til oggiart@gmail.com, viðmerk í yvirskriftarteiginum Ólavsøkuframsýningin 2015, og viðmerk í teldupostinum, navni á framsýnara, heiti á verkinum, tøkni, árstal, teldupost og telefonnummar á framsýnara, umframt stødd á verkinum í cm (L x H x 😎. Freist at senda inn talgild verk á teldupostin er 1. juli.